१३ पुस, एजेन्सी।

बलिउड अभिनेत्री मलाइका अरोडा र निर्माता अरवाज खानको १८ बर्षे वैवाहिक जीवन टुंगिने भएको छ । सम्बन्धविच्छेदका लागि दुवैले अदालतमा निवेदन दिएका छन् ।

सम्बन्धविच्छेद गरेबापत अरवाजसँग मलाइकाले १५ करोड भारुको सर्त राखेकी छिन् । यो खबरले खान परिवार निकै चिन्तित बनेको छ । सम्बन्धविच्छेदका लागि बान्द्रास्थित फेमिली कोर्टमा आफ्नो वकिलमार्फत् मलाइकाले अरवाजसँग राखेको शर्तहरु यस्ता छन् ।

– मुम्बईको पोश बान्द्रामा रहेको फ्ल्याट जसको मूल्य ३.५ करोड छ ।
– छोराको नाममा २.५ करोडको बचत ।
– छोराकै नाममा २ करोडको एक कार ।
– छोराको पढाईका लागि प्रत्येक महिना ५ लाख रुपैयाँ ।
– सम्बन्धविच्छेद गरेबापत मलाइका आफ्नैका लागि ५ करोडको माग

स्रोतअनुसार मलाइकाको यी माग अरवाजले पूरा गर्न असक्षम रहेको अरवाजका वकिलले अदालतमा स्पष्ट पारिदिएका छन् । अरवाजको व्यावसायिक जीवनमा पूर्णविराम लागी सकेको छ, जसका कारण अघिका फिल्म निर्माणमा दाई सलमान खानले लगानी गरेका थिए ।

अरवाजले आफ्नोतर्फबाट वैवाहिक सम्बन्धलाई बचाउँन धेरै कोशिस गरेको अदालतमा बताएका छन् । तर, यता मलाइकाले सम्बन्धबिच्छेद गर्ने मनसाय बनाइसकेकी थिइन् ।

दुवै पक्षको कुरा सुनेपछि मलाइकाद्धारा माग गरिएको राशिका बारेमा अझै सल्लाह गर्ने अदालतले बताएको छ । यद्यपी, मलाइका र अरवाजबीच कुनै सम्झौताको अवस्था बन्न सकेन ।

सन् १९९३ को एक विवादित विज्ञापनमार्फत् अरवाज–मलाइका नजिकिएका थिए । ५ बर्षे प्रेम सम्बन्धमा रहेपछि १९९८ मा विवाह गरेका थिए ।