थप ९ जनालाई कोरोना संक्रमण पुष्टि

काठमाडौं , २ जेठ । कोरोना भाइरस कोभिड-१९ बाट थप ९ जना नया संक्रमित भेटिएका छन् । राष्ट्रिय जनस्वास्थ्य प्रयोगशाला काठमाडौं र भेरी अस्पताल नेपालगञ्जमा भएको परीक्षणमा थप ९ जनामा संक्रमण भेटिएको स्वास्थ्य तथा जनसंख्या मन्त्रालयले शुक्रबार बिहान प्रेस विज्ञप्ति जारी गर्दै जानकारी गराएको छ ।

संक्रमितहरु मकवानपुर निवासी ३७ वर्षीय पुरुष, बाँके नैनापुर १, ३ र ५ निवासी १८, २०, २२, २५,२५ ,२७, ३२ र ३६ वर्षीय पुरुषहरु रहेका छन् । संक्रमित सबैको स्वास्थ्य अवस्था सामान्य रहेको र उनीहरु स्वास्थ्यकर्मीको निगरानीमा रहेका छन् ।

यो संगै नेपालमा संक्रमितको संख्या २ सय ५८ पुगेको छ ।