पहिराले अवरुद्ध रुकुमपूर्वको सिस्ने गाउँपालिको सडक सञ्चालनमा


रुकुमपूर्वको सिस्ने गाउँपालिको वडा नं ७ र ८ मा अवरुद्ध सडक सञ्चालनमा आएको छ । अविरल वर्षाका कारण ठाउँठाउँमा पहिरो खस्दा गत जेठ महिनादेखि आवत जावत बन्द भएको थियो ।
रुकुमकोट–धाउने–भेरीखोला–सोलाबाङ सडकखण्डको विभिन्न ठाउँमा खसेको पहिरो हटाउनुका साथै भलले चिरेको खाल्टाखुल्टी पुरेपछि सडक सञ्चालन आएको गाउँपालिकाले जनाएको छ । यी वडाका कौछे, चिसापानी, तुसारेखोला र भेरी खोलामा पहिरो झरेको थियो ।

चार दिन लगाएर गाउँपालिकाले पहिरो हटाएपछि सवारी साधन सञ्चालनमा आएको गाउँपालिकाका अध्यक्ष कुमारी बरालले जानकारी दिनुभयो । अवरुद्ध सडक खुलेपछि नागरिक औधि खुशी भएका छन् । नागरिकलाई जिल्ला सदरमुकाम रुकुमकोटका साथै रुकुम पश्चिमका विभिन्न ठाउँमा पुग्न सहज भएको स्थानीय हीरा रावतले जानकारी दिनुभयो । सडक बन्द भएपछि नागरिकलाई आवतजावत गर्नुका साथै उत्पादनलाई बजारसम्म पु¥याउन समस्या भएको थियो ।

प्रतिक्रिया दिनुहोस