एनआरएनए क्यार्लिफोनिया च्याप्टरको उपाध्यक्ष पदमा विष्णु खत्री नै किन त

लामो समयदेखि अमेरिकामा रहेर सामाजिक कर्ममा जुटेका बिष्णु के.सी. (खत्री) ले एनआरएनए क्यार्लिफोनिया च्याप्टरको उपाध्यक्ष पदका लागि उमेरद्वारी दिने भएका छन् । नयाँ कार्यसमिती निर्वाचन (२०२१/०२३)का लागि च्याप्टर उपाध्यक्ष पदमा आफ्नो उमेदवारी दिने घोषणा गर्दै आँफु उपाध्यक्ष पदका लागि योग्य भएको र भोलीका दिनमा आँफुले तन मन लगाएर क्यार्लिफोनियामा रहेका नेपालीहरुका लागि भलो हुने काम गर्ने प्रतिवद्धता जनाएका छन् । आँफु उपाध्यक्षपदका लागि योग्य भएको भन्दै खत्रीले एक विज्ञप्ति मार्फत आँफुलाई सर्मथन गर्न अपिल गरेका छन् । उनको भनाई पढ्नु्होस् जस्ताको त्यस्तै :

आदरणीय अमेरिकाबासी नेपाली दाजु-भाई आमा,बुबा तथा दिदी-बहिनी,बिध्यार्थी हरुमा…सादर नमस्कार

प्रवासमा रहेका हामी नेपालीहरुको गरिमामय साझा संगठन गैर आवासिय नेपाली संघ अमेरिका जस्तो हामी सबै नेपाली भाषीहरुको अविभावकत्व रहेको संस्थामा रही मेरो केही सामाजिक उत्तरदायित्व र सेवा गर्ने स्वच्छ मनासयले आगामी हुन गहरहेको निर्वाचनमा क्यार्लिफोनिया च्याप्टरको उपाध्यक्ष पदका लागि उमेरद्वारी दिने निर्णय गरेको छु । यो स्वतस्फूर्त उमेरद्वारी तमाम् क्यालिफोनिर्यामा रहनु भएका नेपाली दाजु-भाई आमा ,बुबा,दिदी-बहिनीहरुको प्रतिनिधित्व सहितको उमेद्वारी रहनेछ। तसर्थ यो निस्वार्थ स्वतस्फुर्त उमेद्वारीमा यहाँको अमूल्य साथ, सहयोग र सल्लाह सुझावको अपेक्षा राख्दै यहांहरुको सम्पूर्ण योगदानलाई मेरो विवेकले भ्याए सम्म कुनै लोभ लालज र स्वार्थ नराखी दृढताका साथ सेवामा रहनेछु भनी प्रतिवद्धता जनाउँदै नयाँ कार्यसमिती निर्वाचन (२०२१/०२३)का लागि च्याप्टर उपाध्यक्ष पदमा म आफ्नो उमेद्वारी घोषणा गर्दछु। यदि मलाई विजयी गराउनु भएको खण्डमा निम्नानुसारको कार्यहरुमा मेरो प्राथमिकता रहनेछ । मेरा प्राथमिकताका कार्यहरू :-

१. नेपाली समुदायलाई अति आवश्यक कम्युनिटी हल निर्माणका लागि आवश्यक पहल कदमी तथा तदारुकताका साथ लागि पर्नेछु।

२ . हाम्रो नेपाली जनशक्तिलाई अझ सशक्त र सुदृढ बनाउन र यहाँको जब मार्केट तथा अवसरलाई मध्यनजर गरी यस राज्य तथा अन्य राज्यमा रहनु भएका विभिन्न क्षेत्रका नेपाली विद्वान मित्रहरु तथा दक्ष मित्रहरु संग एवं यहाँको सरकारी तथा गैह्र सरकारी निकायहरुसंग छलफल बहस र सहकार्य गरी विभिन्न किसिमका सिपमूलक तालिमहरु संचालन गरी दक्ष जनशक्ति उत्पादनमा जोड दिने छु ।

३ . नेपालवाट विभिन्न माध्यमवाट तत्काल यहॉ आई पुग्नु हुने हरेक नेपालीलाई सुरुमा समस्या पर्दछ तसर्थ उहाँहरूको लागि गॉस, बास र जागीरका लागि सहयोग गर्नेछु। ।जुन मैले आजसम्म गरि गराई आई रहेको छु।

४ . जेहेन्दार बिध्यार्थीको लागी छात्रवृतिको व्यवस्थाका साथै अन्य विद्यार्थीहरुलाई आवश्यकता अनुसारको अन्य सहयोग उपलब्ध गराउने छु ।

५. यहाँ भैपरी आउने सुख दु:ख का सवै कार्यहरुमा आफ्नो कर्तव्य ठानी आवश्यक सहयोग जुटाउने तथा समन्वयकारी भूमिका निभाउनेछु ।

६ . विभिन्न भिषामा नेपालवाट केही समयका लागि आउनु हुने आमा वुवाहरुको लागि निशुल्क उपचारको व्यवस्था गर्न आवश्यक प्रकृयाका लागि सहयोग पुर्याऊने छु ।

७. क्यालिफोर्निया राज्यको विभिन्न स्थानहरूमा छरिएर रहेका नेपालीहरूको लागी मुख्य मुख्य शहरमा सामुदायिक केन्द्र स्थापना गर्न नेपाली समाज भन्दा बाहिर बिदेशी संघ संस्था तथा व्यक्तिहरुसंग डोनेसनको लागी पहल गरी जत्ति सक्दो चाढो स्थापना गर्न जोड दिनेछु ।

८ . स्थायी बासिन्दाको लागि ईमिग्रेशन प्रक्रियामा रहनु भएका दाजुभाई तथा दिदी बहिनीहरूलाई तथा अन्य सबै किसिमको कानुनी सल्लाह उपलब्द गराउने प्रयोजनार्थ छुट्टै नेपाली कानुन व्यवसायीहरु संग सहकार्य गरी एउटा कानुन परामर्श डेस्क स्थापना गर्नेछु ।

म आफ्नो स्वतस्फुर्थ मनसायले समाजको सेवा गर्न ऊत्प्रेरित भएर आएको हुनाले म समाजको सल्लाह सुझाब ,समस्या जस्ता बिषयलाई समाधान र ब्यबस्थापनलाई पहिलो प्राथमिकतामा राखेर काम गर्ने छु । मलाई मतदान गरि बिजयी गराउनुहुन तमाम् क्यालिफोर्निया वासी सम्पुर्ण दाजुभाई दिदी-बहिनी तथा आमा,बुबा र आफन्तजनहरुमा हार्दिक विनम्र ‘ अनुरोध गर्दछु !!! बिष्णु के.सी.(खत्री)